ПРАВИЛО 17 – УДАР ОД АГОЛ (КОРНЕР)

ПРАВИЛО 17 – УДАР ОД АГОЛ (КОРНЕР)

Ударот од агол е на чин на повторен почеток на играта.

Удар од агол се досудува кога целата топка ќе ја помине попречната гол линија, по земја или по воздух, а последен со неа да играл играч од одбраната, а да не е постигнат гол во согласност со Правилото 10.

Гол може да се постигне директно од удар од агол, но само во голот на противничкиот тим.

Постапка на изведување

·        Топката мора да биде поставена внатре во лакот на аголот на онаа страна од каде што топката го напуштила теренот за игра,

·        Знаменцето што го означува аголот несмее да се помрднува,

·        Противничките играчи мора да бидат оддалечени 9.15 m (10 yds) од лакот на аголот се додека топката не е во игра,

·        Топката мора да биде удрена од играч на тимот што напаѓа,

·        Топката е во угра кога ќе биде удрена и ќе се помрдне,

·        Изведувачот на ударот несмее повторно да игра со топката пред да ја допре друг играч.

Прекршување на правилото и казни
Ударот од агол е изведен од страна на играч, освен голманот
Ако, кога топката ќе влезе во игра, изведувачот ја допира топката повторно (освен со рацете) пред да ја допре друг играч:
• индиректен слободен удар се доделува на противничкиот тим, од местото каде што бил направен прекршокот (види Правило 13 - Место на слободниот удар)

Ако, кога топката е во игра, изведувачот ја допира топката повторно со своите раце, пред да ја допре друг играч:
• директен слободен удар се досудува за противничкиот тим, од местото каде што бил направен прекршокот (види Правило 13 - Место на слободниот удар)
• казнен удар (пенал) се досудува доколку прекршокот бил направен внатре во казнетиот простор на изведувачот.

Ударот од гол е изведен од страна на голманот
Ако, кога топката е во игра, голманот ја допира топката повторно (освен со своите раце) пред да ја допре друг играч:
• индиректен слободен удар се доделува на противничкиот тим, од местото каде што бил направен прекршокот (види Правило 13 - Место на слободниот удар)

Ако, кога топката е во игра, голманот ја допира топката повторно со своите раце, пред да ја допре друг играч:
• директен слободен удар се досудува за противничкиот тим, од местото каде што бил направен прекршокот,ако тој е направен надвор од казнетиот простор на голманот (види Правило 13 - Место на слободниот удар),
• индиректен слободен удар се досудува за противничкиот тим, од местото каде што бил направен прекршокот,ако тој е направен во казнетиот простор на голманот (види Правило 13 - Место на слободниот удар).

За каква било друга повреда на Правилата на фудбалската игра:
• ударот се повторува.

Извор /Source: Laws of The Game 2015-2016 page 53-54